Pak Mantri Halak Hita . . .

Pak Mantri Halak Hita . . .

Adongma karyawan kilang padi ni bapatuakku namargoar si Bosi. Nunga tolu ari dang masuk karejo ibana. Disuruh bapatua ima au manukkun tu jabuna atikna karejo do manang dang be. Alana nunga godang antri na melamar tu kilang i.

Hubereng ma si Bosi modom-modom di jabuna. Jala husukkun ma boasa dang masuk karejo. Idok ibana ma sambil itujuk tu au: “Unang turut campur jo hamu lae. Nunga leleng persoalan on.”

Bah? Dang adong sopanna. Simaup do huroha amatta on inna rohakku. Keponakanni tokkena ro dang dihormati? Bohama carana boi naek pangkatni amatta on ate…hahaha…

Hape di dapur do attong inattani si Bosi. Ala dibege dang sopan si Bosi,langsung murukma inatta i. Idok inatta ima tu si Bosi: “Aha nimmu leleng..haaaaa? Ibaen naso hea be hita ML???”

Aiiijjiabakkk. Alani naso dilehon inatta ido i hape jatahna asa mogok kerja si Bosi. Maup ma tibba i…hahaha…

Pura-pura ma attong husukkun aha lapatanni ML. Nga sahat tu huta-huta istilah on inna rohakku.

Dialusi inatta ima: “Hira naso diboto hamu do nian ito. Pura-pura angsa do hamu huida. Hamu sian kota do masa dang diboto hamu artini ML. Molo ML lapatanna MarsiLonggian.”…dagadaga…

Nga ummalo halakon akka bahasa prokem..hehehe…

Alani maila au mambege na masalah sisongoni do hape intini persoalan nasida, husuruma attong halaki nadua huddul. Hira hakim ma au mengadili.

Hudokma: “Ai naso maila do hamu marbadai alani akka sisongonon? Ai tung polisi pe huboan padamehon hamu nga parekkelanna annon. Ai aha do tutu masalahna Nattulang makana mogok hamu mangalean ubatni Tulang on? Gabe mogok ibana karejo. Ahama allangonmu molo songonon? Akka dakdanak i pe nga onom halak muse, mangallang gabbo nama i sude”.

Dialusi inatta ima: “Nionnnn…. si Bosi simaup on. Sai holanna em-el torus pangidoanna. Sai maosss holani karejoan. Goknai ulaon ito. Molo dang nilean mardandi. Mogok karejo. Maila iba tu akka hobbar jabu ito. Tiap taon holanna juttul torus iba. Loja mangurus akka dakdanak soadong dipardulihon ibana. Holan sae karejona pittor laho do tu lapo. Mirdongma mulak tu jabu ala natuakon. Alai tong sai lalap holanna mangido sappur. Botul do sarupa tu goarnai. Bohama onderdil bosi tahe.”

Sabbil tangis do inatta i mandok. Semangat inattai curhat. Gogo muse do tangisna i sappe kaluarma nomor 11 na i.

Alai si Bosi goppang do dang olo mangalo. Sai udduk ma ibana. Geok-geok do nian idaon akka parhuta-huta marbadai. Ai soadong diboto sabban makkatai asalma dipapuas nadi rohana i.

Asima attong rohakku mangida halaki nadua. Hudokma: “MarsiLonggian ma hamu Nattulang apala sahalion. Pelema songoni asa sonang rohani Tulang on. Sona magona muse i.”  Sabbil huurbitma inatta i.

Alai senyum-senyum ma si Bosi. Senyum iblis.

Hudokma muse: “Gok do nuaeng dilean pamaretta akka alat-alat kontrasepsi atik mabiar hamu hamil,”

Dialusi inatta ima huhut dipagogo tangisna: “Dibahen naso hamu do inang-inangni si Bosi on asa neang-neang hamu makkatai. Memang alani biarhu do nian hamil. Dohot do nian au KB ito. KB suntik. Alai dang makkan suntik i. Ai umbalga do suntikni si Bosi babi ooooon. Gabe talu do suntikni bidan desa i. Molo pakke KB naasing dang sossok au ito. Gabe olodo mirdong au mangallang pil KB. Nidok amattaon on asa dikasing (dikebiri) dang olo ibana. Ai nadianggap ho do au pinahan lobu, inna do ito. Makkana pusing au ito. Ido mambahen mogok au.”  

Ido hape??? Langsung muncul do attong bohlam pijar di utok-utokku. Asal bagian songonon attong urusanku mai..hahaha…

Huingot ma attong tikki mangoperasi si Solu amatta mantri hewan na di Parapat i, hutakko do sian meja kerjani mantri hewan i jarum suntikni horbo sada dohot obat anti hamil ni pinahan lobu sabotol.

Husuruma antong asa ro inattani si Bosi tu jabu. Hudokma: “Ima Nattulang. Molo hurang denggan ubat nasian pamaretta i, di jabu adongdo ubat husimpan buatan Amrik”.

Marjanji ma ibana naeng ro tu jabu.

Dung saminggu baru pe attong ro inattani si Bosi tu jabu. Dipaboama alasanna asa jolo ias ibana habis menstruasi.  Alana hudok do syaratna ikkon songoni.

Tikki naro inattani si Bosi tu jabu nami naeng marubat, dalam kondisi mirdong do au manukkuni sude medical record ni inattai. Baru dope minum tuak au sian balian.

Dipaboa ibana ma rupani kehidupan parrumatanggaon nasida siganupari, termasukma kelainan seksual ni si Bosi. Dipaboa inatta i ma, naikkon tolu hali ma saborngin MarsiLonggian asa jolma dihilala si Bosi si maup i.

Habis marsarita inatta i, dipaksa inatta ima au manuntikkon ubat buatan Amrik i. Nga mulai borngin. Nga mirdong be au mulak sian paragatan. Ai attar godangdo huinum tuak i. Hudok do asa marsogotma nian ro inatta i asa jolo sadar au nikku. Alai sai dipaksa inatta i do ikkon suntikonku borngin i. Alasanna muse idok inatta i, mabiar ibana borngin on mangido jatah muse si Bosi, hape dang siap dope tembok pertahanan. Ai ise be mangalo si Bosi oppungeeee? Haru ubatni pamaretta pe so makkan.

Toho tahe inna rohakku ma mardongan mirdong. Dang pola hujaha be merekni ubat i. Husedotma pakke jarum suntik horbo. Ukuranna pe dang huboto be piga milli liter. Alai habis do sude nadi botol nasa balgani botol kratingdaeng.

Husuntikkonma attong tu tengkuk ni inattai. Alana molo pinahan lobu, di tengkukna do disuntik inna rohakku.

Dung 1 menit, mulaima mangula huroa ubat i. Langsung juling ma matani inatta i jala marputar-putar. Aiaabak!! Mogap ma huhilala. Mungkin pengaruhni ubat anti hamil ima hormon estrogen ni pinahan lobu nasian obat suntik i.

Hupapos-posma rohakku. Sai huattuki ma ulukku pakke tanganku asa mago mirdongki. Sai martangiangi ma au. Atik jibbolangon inatta on maup ma hami nasaripe. Ai termasuk kriminal doi.

Huleanma didorguk inatta i tuak nabaru huboan i. Mulai ma ibana agak normal saotik. Hupaima ma 10 menit. Idok ibana ma: “Tambai hamu jo sagalas nai..aharroaaaa….” Bah? Ai hobbi na do hape minum tuak..hahaha…

Pendek hata, mulak ma inatta i mambal-abbal sian jabu nami. Agak lega ma pakkilalaanku…

Dung mulak inattai, huperiksama botol ni ubat naung habis i. Hujahama attong. Hape disurat pakke bahasa Inggeris do. Dosisni na sabotol i untuk 30 ekkor pinahan lobu dengan masa efektif dua periode masa birahi pinahan lobu. Attar ima hujaha di botol i…dagga. Pantas do tarbalik simalolongna i jala sanga kero sattokkin. Hukira-kirama rupani, anggo inattani si Bosi on ikkon sining (mandul) ma 45 taon ke depan.

Dung 2 ari nai, roma si Bosi tu jabu mandok mauliate. Idok si Bosi ma: “Dang parsuma ro hamu lae tu huta on. Ima ate labana namarsikkola i.”

Dibagas rohakku, tena!! Gabe huingot ma pangalahoni si Bosi on mula-mula ro hami tu huta i. Si Bosi on do naparjolo mandok, marhua mulak tu huta nga doktorandus. Nga sai naeng hutujjangkon nian parateateanna i.

Husukkun ma ai tung ahado namambahen apala las hian rohani si Bosi. Dialusi si Bosi ma: “Memang luar biasa do lae ubat nasian Amrik i. Salelengon dang hea songoni heppotni pardijabu. Mantap hianma Lae. Tiap ari ma sai mangido ikkon manguge ibana. Ai modom pe gabe manungging nama ibana lae. Tinggal lop nama au”.

Maupma si Bosi...

https://www.facebook.com/notes/r-yacob-christian-sihombing/pak-mantri-halak-hita-/1111255105593200

Ditulis kembali dari bataktoday.com, 3 Maret 2016

Karya : Sobiran Sinaga